Zirə və Kəpəz'dən heç-heçə, Sabah'dan darmadağın

Bu gün Misli Premyer Liqasında XXVI tura start verilib. Corner.az xəbər verir ki, ilk oyun günündə iki qarşılaşma keçirilib.

Əvvəlcə “Kəpəz” doğma meydanda “Zirə”ni qəbul edib. Tərəflər bu oyunda meydanı hərəyə 1 qol və 1 xalla tərk edib.

Günün digər qarşılaşmasında isə “Sabah” doğma meydanda “Sumqayıt”la münasibətilərinə aydınlıq gətirib. Meydan sahibləri bu görüşdə 3 xalı darmadağınla qazanıb.

“Turan Tovuz” – “Qəbələ” və “Qarabağ” – “Səbail” matçları sabah keçiriləcək. Tura bazar günü baş tutacaq “Şamaxı” – “Neftçi” matçı ilə yekun vurulacaq.

Misli Premyer Liqası
XXVI tur
10 mart

“Kəpəz” – “Zirə” 1:1
Qol: F.Nəbiyev, 38 - H.Keyta, 83-pen.
Hakimlər: Kamranbəy Rəhimov, Eyyub İbrahimov, Teymur Teymurov, Namiq Bəkirov.
Gəncə şəhər stadionu, 15:00.

“Sabah” – “Sumqayıt” 4:0
Qol: C.L.Mikels, 45. A.Kaşuk, 75. C.Nuriyev, 86. S.Məmmədov, 90+2.
Hakimlər: Tural Qurbanov, Kamran Bayramov, Şirmamed Mamedov, Əli Əliyev.
“Bank Respublika Arena”, 19:00.