Bu gün AFFA İntizam Komitəsinin növbəti iclası keçirilib. Corner.az xəbər verir ki, iclasda Misli Premyer Liqasının 26-cı turu oyunlarında qeydə alınan neqativ hallara hüquqi qiymət verilib.
“Kəpəz”lə oyunda 4 futbolçusu sarı vərəqə alan “Zirə” 800 manat cərimələnib. Gəncəlilər isə matçdan əvvəl oyun günü planının pozulması səbəbindən 800 manat ziyana düşüb.
“Turan Tovuz” – “Qəbələ” qarşılaşmasında da birincilərin azarkeşləri tərəfindən meydançaya yad əşya atılıb. Bu, “Turan Tovuz”un 1600 manat cərimələnməsinə səbəb olub.
