“Turan Tovuz” Misli Premyer Liqasının XXVIII turu çərçivəsində qarşılaşacağı “Sumqayıt”la oyundan öncə ciddi itki ilə üzləşib. Corner.az-ın məlumatına görə, Tovuz təmsilçisinin əsas qapıçısı Tərlan Əhmədli sıradan çıxıb.
28 yaşlı qolkiper bu gün baş tutan son məşq zamanı zədələnib. Bu üzdən o, sabah keçiriləcək oyunda komandasına kömək edə bilməyəcək. Əhmədlini təcrübəli qapıçı Kamal Bayramovun əvəz edəcəyi gözlənilir.
Xatırladaq ki, “Turan Tovuz” – “Sumqayıt” matçına saat 15:30-da start veriləcək.
