Misli Premyer Liqasının 28-ci turu “Sumqayıt”ın tilsimi qırması ilə yadda qalıb. Corner.az xəbər verir ki, “gənclik şəhəri” təmsilçisi “Turan Tovuz”a səfərdə 3:2 hesabı ilə qalib gələrək buna nail olub.
“Kimyaçılar” təxminən 3 il 5 aydan sonra rəqib meydanında 3 qol vurmağa müvəffəq olub. Komanda axırıncı dəfə belə məhsuldarlığa 2019-20 mövsümündə imza atıb. Tovuz səfərindən 1237 gün əvvəl, yəni 2019-cu il noyabrın 10-da “Sabah”ın qonağı olan “Sumqayıt” 3:1 hesablı qələbə qazanıb.
“Sumqayıt” həmin qarşılaşmadan sonra keçirdiyi 46 görüşünün heç birində 2-dən çox qol vura bilməyib. Komanda hətta 19 dəfə rəqib qapılarına yol tapa bilməyib. “Sumqayıt” 20 oyunda 1, 7 görüşdə isə 2 dəfə fərqlənib.
