Zirə Qəbələ'yə məğlub oldu

Bu gün Misli Premyer Liqasında XXIX tura start verilib. Corner.az xəbər verir ki, ilk oyun günündə bir qarşılaşma baş tutub.

“Qəbələ” doğma meydanda “Zirə” ilə üz-üzə gəlib. Avrokuboklara vəsiqə uğrunda mübarizə aparan və turnir cədvəlində qonşu olan komandaların dueli maraqla gözlənirdi. Üç qolun qeydə alındığı matçda meydan sahibləri çətin qələbə qazanıb. Nəticədə "Qəbələ" turnir cədvəlində "Zirə"ni qabaqlamağa nail olub.

Bu turun “Qarabağ” – “Kəpəz” və “Turan Tovuz” – “Şamaxı” oyunları şənbə, “Sumqayıt” – “Neftçi” və “Səbail” – “Sabah” matçları isə bazar gününə təsadüf edəcək.

Misli Premyer Liqası
XXIX tur
7 aprel

“Qəbələ” - “Zirə” 2:1
Qol: R.Maçado, 58. Ruan Renato, 79 - E.Quliyev, 69.
Hakimlər: Tural Qurbanov, Vüsal Məmmədov, Rəhman İmami, Fərid Hacıyev.
Qəbələ şəhər stadionu, 17:00.