Tovuzda 2 qol, Qarabağ'dan Kəpəz üzərində qələbə

Bu gün Misli Premyer Liqasında XXIX tura yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

Əvvəlcə “Turan Tovuz” doğma meydanda “Şamaxı” ilə qarşılaşıb. Tərəflər bu oyunda meydanı hərəyə 1 qol və 1 xalla tərk ediblər.

Turun son matçında isə “Qarabağ”  doğma meydanda “Kəpəz”lə münasibətlərinə aydınlıq gətirib. Ağdam təmsilçisi isə bu oyunda inamlı qələbəyə sevinib.

Xatırladaq ki, turun əvvəlki oyunlarında “Qəbələ” “Zirə”yə, “Səbail” isə “Sabah”a 2:1 hesabıyla qalib gəlib. “Sumqayıt” da doğma meydanda “Neftçi”yə 0:4 hesabıyla uduzub.

Misli Premyer Liqası
XXIX tur
9 aprel

“Turan Tovuz” – “Şamaxı” 1:1
Qol: R.Eva, 2 - F.Bayramov, 9.
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov.
Tovuz şəhər stadionu, 16:00.

“Qarabağ” – “Kəpəz” 3:1
Qol: A.Zubir, 5. R.Almeyda, 58-pen. L.Andrade, 67 - Y.Xvalko, 29.
Hakimlər: Emin Əliyev, Müslüm Əliyev, Teymur Teymurov, Nicat İsmayıllı.
“Azərsun Arena”, 18:30.