“Kəpəz” Misli Premyer Liqasının növbəti iki ev oyununu Qəbələdə keçirəcək. Corner.az xəbər verir ki, bu barədə Peşəkar Futbol Liqası (PFL) məlumat yayıb.
Bildirilib ki, Gəncə şəhər stadionunun ot örtüyünün vəziyyəti yararsız olduğundan, qarşıdakı görüşlər orada olmayacaq. “Kəpəz”in müraciətindən sonra aprelin əvvəlcədən açıqlanan təqvimində müəyyən dəyişiklik edilib.
“Kəpəz” ayın 15-də “Turan Tovuz”u, 29-da isə “Sumqayıt”ı Qəbələ şəhər stadionunda qəbul edəcək. Hər iki qarşılaşma saat 16:00-da başlayacaq.
PFL tərəfindən renovasiya işlərinə baxış keçirildikdən sonra “Kəpəz”in 33-cü turdan sonrakı ev oyunlarını Gəncədə keçirib-keçirməyəcəyinə qərar veriləcək.