Kəpəz Turan Tovuz'a qalib gəldi

Misli Premyer Liqasında XXX turun oyunları keçirilir. Corner.az xəbər verir ki, bu gün daha bir qarşılaşma baş tutub.

Günün yeganə matçı “Kəpəz” “Turan Tovuz”u sınağa çəkib. Gəncə şəhər stadionunun qazonu yararsız vəziyyətə düşdüyündən, budəfəki qərb derbisi Qəbələdə keçirilib. Görüşün taleyini bir qol həll edib. Gəncə təmsilçisi ilk dəqiqələrdə vurduğu yeganə qol sayəsində meydanı qələbə ilə tərk edib.

Xatırladaq ki, ilk oyun günündə “Zirə” evdə “Səbail”ə 3:1, “Qəbələ” isə səfərdə “Neftçi”yə 2:1 hesabıyla qalib gəlib. Tura sabah keçiriləcək “Şamaxı” – “Sumqayıt” və “Sabah” – “Qarabağ” oyunları ilə yekun vurulacaq.

Misli Premyer Liqası
XXX tur
15 aprel

“Kəpəz” - “Turan Tovuz” 1:0
Qol: A.Şuaybu, 8.
Qırmızı vərəqə: Piruzi Marakvelidze, 38.
Hakimlər: Əliyar Ağayev, Zeynal Zeynalov, Namiq Hüseynov, Rəvan Həmzəzadə.
Qəbələ şəhər stadionu, 16:00.