Qəbələ Səbailə ilk oyunda qalib gəldi

Bu gün Azərbaycan kubokunda yarımfinal mərhələsinin ilk görüşlərinə start verilib. Corner.az xəbər verir ki, ilk oyun günündə bir qarşılaşma keçirilib.

“Qəbələ” doğma meydanda “Səbail”lə qarşılaşıb. Beş qolun qeydə alındığı oyunda əyalət təmsilçisi əzmkar qələbə qazanıb.

Digər yarımfinal görüşü sabah “Turan Tovuz”la “Neftçi” arasında olacaq. Bu komandaların ilk qarşılaşması Tovuzda keçiriləcək.

Azərbaycan kuboku
Yarımfinalın ilk oyunları
18 aprel

“Qəbələ” – “Səbail” 3:2
Qol: Rafael Utziq, 34; 66. Felipe Santos, 74 - İlkin Muradov, 9. Emil Martinov, 21.
Hakimlər: Elçin Məsiyev, Pərvin Talıbov, Kamran Bayramov, Fərid Hacıyev.
Qəbələ şəhər stadionu, 18:00.