“Neftçi”nin zədəli futbolçularının durumuna aydınlıq gəlib. Corner.az xəbər verir ki, klubun baş həkimi Şaiq Zöhrablı son durumla bağlı məlumat verib.
Onun sözlərinə görə, israilli yarımmüdafiəçi Ataa Caber və gürcüstanlı hücumçu Vato Arveladze artıq tamam sağalıb və məşqlərə başlayıb. Bu isə o deməkdi ki, hər iki oyunçu məşqçilər korpusunun ixtiyarında ola biləcək.
Baş həkim cinah müdafiəçisi Azə Əliyevin isə müalicəsinin davam etdiyini vurğulayıb: “Azər Əliyev ötən oyundan əvvəl boyun nahiyəsində kəskin ağrılardan şikayət edirdi. Bununla əlaqədar ilkin müayinə olundu. Hazırda müalicəsi davam edir”.
Qeyd edək ki, “Neftçi” bu gün Azərbaycan Kubokunun yarımfinal mərhələsinin ilk oyununda səfərdə “Turan Tovuz”la qarşılaşacaq.
