“Neftçi”nin prezidenti Kamran Quliyev diskvalifikasiyaya məruz qalıb. Corner.az xəbər verir ki, funksioner, Azərbaycan Kubokunun yarımfinal mərhələsində “Turan Tovuz”la səfər görüşündəki davranışına görə cəzalandırılıb.
Belə ki, Tovuz şəhər stadionundakı görüşün fasiləsində arenanın tunelinə daxil olaraq, rəsmi şəxslərə qarşı işlətdiyi ifadələrə görə, Quliyevə ölkə kubokunda 3-ü şərti olmaqla 5 oyunluq cəza kəsilib. Klub isə 4000 manat cərimələnib. “Neftçi”nin prezidentinə 6 aylıq sınaq müddəti təyin olunub.
Bundan başqa matçda 4 futbolçusu sarı vərəqə aldığı üçün “Turan Tovuz” 800 manat cəriməyə məruz qalıb.
Qeyd edək ki, “Turan Tovuz” – “Neftçi” oyunu birincilərin 1:0 hesablı qələbəsi ilə başa çatıb.
