Sabah'dan qələbə, Neftçi xal itirdi

Misli Premyer Liqasında XXXI turun oyunları keçirilir. Corner.az xəbər verir ki, ikinci oyun günündə daha iki qarşılaşma baş tutub.

Əvvəlcə “Turan Tovuz” doğma meydanda “Sabah”ı qəbul edib. Liderin əsas izləyicisi bu oyunda inamlı qələbə qazanıb.

“Neftçi” isə səfərdə “Səbail”in qonağı olub. Bu oyunda isə tərəflər hərəyə 1 qol və 1 xalla kifayətləniblər.

Xatırladaq ki, ilk oyun günündə baş tutan “Şamaxı” - “Kəpəz” (1:1) və “Qarabağ” – “Zirə” (2:2) matçılarında da qalib müəyyənləşməmişdi.

Tura sabah keçiriləcək “Sumqayıt” – “Qəbələ” oyunu ilə yekun vurulacaq.

Misli Premyer Liqası
XXXI tur
22 aprel

“Turan Tovuz” – “Sabah” 0:2
Qol: Aleksey Kaşuk, 28; 66.
Hakimlər: Cavid Cəlilov, Kamran Bayramov, Zöhrab Abbasov, Rövşən Rəcəbov
Tovuz şəhər stadionu, 16:00

“Səbail” – “Neftçi” 1:1
Qol: Maksim Çex, 32 – Yeqor Boqomolski, 8.
Hakimlər: Rəvan Həmzəzadə, Cəmil Quliyev, Teymur Teymurov, Emin Əliyev
“ASCO Arena”, 18:30.