Misli Premyer Liqasının XXXI turunda “Turan Tovuz”la keçirilən oyun “Sabah”ın baş məşqçisi Murad Musayev üçün əlamətdar olub. Corner.az saytı xəbər verir ki, rusiyalı mütəxəssis yubiley görüşünə çıxıb.
Tovuz şəhər stadionundakı qarşılaşma Musayevin “Sabah”ın heyətində 50-ci çempionat görüşü olub.
Komanda onun rəhbərliyi altında elitada keçirdiyi matçların 32-də qələbə qazanıb, 9-da heç-heçə edib, 9 dəfə isə rəqiblərinə məğlub olub.
Qeyd edək ki, “Turan Tovuz” – “Sabah” oyunu qonaqların 2:0 hesablı qələbəsi ilə yekunlaşıb.
