Azərbaycan Kubokunun yarımfinal mərhələsinin cavab oyunlarının hakimləri müəyyənləşib. Corner.az xəbər verir ki, Peşəkar Futbol Liqası baş tutacaq hər iki qarşılaşmanın təyinatlarını açıqlayıb.
Bu gün keçiriləcək “Neftçi” – “Turan Tovuz” qarşılaşmasında Fərid Hacıyev fit çalacaq. FIFA referisi Əliyar Ağayev “Bakcell Arena”dakı görüşün VAR hakimi olacaq.
Əliyar Ağayev bir gün sonra “Səbail”lə “Qəbələ” arasında keçiriləcək matçda iş başında olacaq.
Azərbaycan Kuboku
Yarımfinal, cavab oyunları
26 aprel (çərşənbə)
20:00. “Neftçi” – “Turan Tovuz”
Hakimlər: Fərid Hacıyev, Kamran Bayramov, Rəhman İmami, İnqilab Məmmədov
VAR: Əliyar Ağayev
AVAR: Müslüm Əliyev
Hakim-inspektor: Anar Salmanov
AFFA nümayəndəsi: Elgiz Abbasov
“Bakcell Arena”
27 aprel (cümə axşamı)
20:00. “Səbail” – “Qəbələ”
Hakimlər: Əliyar Ağayev, Zeynal Zeynalov, Akif Əmirəli, Tural Qurbanov
Hakim-inspektor: İmanxan Sultani
AFFA nümayəndəsi: Seymur Səlimli
“ASCO Arena”
Qeyd edək ki, ilk oyunlarda “Turan Tovuz” 1:0, “Qəbələ” isə 3:2 hesablı qələbə qazanıb.
