Azərbaycan Kubokunun yarımfinal mərhələsində keçirilən “Neftçi” - “Turan Tovuz” oyununda xoşagəlməz hadisə yaşanıb. Corner.az xəbər verir ki, qonaq komandanın kapitanı Şəhriyar Əliyev birinci hissənin sonlarında azarkeşləri həyəcanlandırıb.
Top uğrunda hava mübarizəsi zamanı rəqib oyunçu ilə toqquşan müdafiəçi bir anda hərəkətsiz halda yerdə qalıb. Təcrübəli oyunçu huşunu itirsə də, hakimlərin müdaxiləsi ilə dərhal özünə gəlib və oyunu davam etdirib.
Qeyd edək ki, hazırda görüşdə hesab açılmayıb. Komandalar arasındakı ilk matçda tovuzlular 1:0 hesablı qələbə qazanıb.
