Tarixində 11-ci dəfə Azərbaycan Kubokunun finalına vəsiqə qazanan “Neftçi” bununla yeni rekorda imza atıb. Corner.az xəbər verir ki, Bakı klubu yarımfinal mərhələsinin ilk oyununda 0:1 hesabı ilə uduzduğu “Turan Tovuz”a cavab görüşündə 2:0 hesabı ilə qalib gələrək, həlledici qarşılaşmada iştirak hüququ əldə edib.
Buna qədər “Neftçi” ilə “Qarabağ” hərəyə 10 dəfə ölkə kubokunun finalında iştirak etmişdi. Bunadək “Neftçi” 6, “Qarabağ” isə 7 dəfə kuboku başı üzərinə qaldırıb.
Qeyd edək ki, “Neftçi” 1994/1995, 1995/1996, 1998/1999, 2003/2004, 2012/2013, 2013/2014 mövsümlərində kubokun qalibi olub, 2000/2001, 2011/2012, 2014/2015 və 2015/2016-də isə həlledici qarşılaşmada uduzub.
