AFFA-nın Apellyasiya Arbitraj Tribunalı “Turan Tovuz”un şikayətinə baxıb. Corner.az saytı xəbər verir ki, qurum AFFA İntizam Komitəsinin qapıçı Kamal Bayramovla bağlı verdiyi qərarda dəyişiklik edib.
İntizam Komitəsi 38 yaşlı qolkiperə 3 oyunluq sanksiya tətbiq etmişdi ki, o, bunun bir matçını çəkib. Apellyasiya Arbitraj Tribunalı qalan 2 matçlıq cəzanı isə 1-ə endirib. Digər 1 görüşlük cəza isə 6 aylıq sınaq müddəti ilə əvəzlənib.
Bayramov sınaq dövründə qayda pozuntularına yol versə, həmin 1 görüşlük cəza avtomatik bərpa olunacaq.
Qeyd edək ki, Kamal Bayramov Premyer Liqanın XXX turunda “Kəpəz”lə oyun bitdikdən sonra rəqib oyunçuları təhqir etdiyi üçün 3 oyunluq cəzalandırılmışdı. Bu üzdən o, “Sabah”la XXXI tur görüşünü buraxıb.