Sumqayıt səfərdə, Sabah evdə qələbə qazandı

Bu gün Misli Premyer Liqasında XXXII tura start verilib. Corner.az xəbər verir ki, ilk oyun günündə iki qarşılaşma baş tutub.

Əvvəlcə “Kəpəz” Qəbələdə “Sumqayıt”la qarşılaşıb. Görüşdə qonaqlar minimal hesabla qələbə qazanıb.

Günün digər matçında isə “Sabah” doğma azarkeşləri önündə “Şamaxı” ilə üz-üzə gəlib. Bu oyunda da meydan sahibləri 3 xalı tək qolla qazanıb.

Bu turun “Zirə” – “Turan Tovuz” və “Qəbələ” – “Səbail” oyunları mayın 1-də, “Neftçi” – “Qarabağ” görüşü isə ayın 2-də keçiriləcək.

Misli Premyer Liqası
XXXII tur
29 aprel

“Kəpəz” – “Sumqayıt” 0:1
Qol: Vüsal İsgəndərli, 64.
Hakimlər: Tural Qurbanov, Vüsal Məmmədov, Zöhrab Abbasov, Nicat İsmayıllı.
Qəbələ şəhər stadionu, 16:00.

“Sabah” – “Şamaxı” 1:0
Qol: Aleksey Kaşuk, 7.
Hakimlər: Fərid Hacıyev, Cəmil Quliyev, Teymur Teymurov, Rəvan Həmzəzadə.
Masazır. “Bank Respublika Arena”, 18:30.