"Sabah”ın yarımmüdafiəçisi Aleksey Kaşuk Azərbaycan çempionatları tarixinə düşüb. Corner.az xəbər verir ki, o, Misli Premyer Liqasının XXXII turunda “Şamaxı” ilə görüşdə bunu bacarıb.
Kaşuk komandasının 1:0 hesablı qələbə qazandığı qarşılaşmada yeganə topun müəllifi olub. 23 yaşlı hücumameyilli oyunçu bununla cari mövsüm qollarının sayını 15-ə çatdırıb. Kaşuk Azərbaycan çempionatları tarixində bir mövsümdə ən çox qol vuran ukraynalı futbolçu rekordunu təkrarlayıb.
O, həmyerlisi Leonid Kalfanın rekorduna şərik çıxıb. Kalfa 1998-99 mövsümündə “Neftçi”nin heyətində keçirdiyi 24 oyunda 15 dəfə fərqlənib. Kaşuka isə bu göstəriciyə çatmaq üçün 27 görüş lazım olub.
Onları 12 qolla digər ukraynalılar Viktor Kulikov (“Şəmkir”, 1999/2000) və Vladimir Mazyar (“Simurq”, 2008/09) izləyir.
