Azərbaycan Kubokunda nominal meydan sahibi bilinib. Corner.az xəbər verir ki, bununla bağlı püşk atılıb. Mərasimdə finalda iştirak edəcək komandaların rəsmiləri yer alıblar. Belə ki, Peşəkar Futbol Liqasının texniki-idman direktoru Elgiz Abbasovla yanaşı, “Neftçi”nin baş meneceri Qədir Həsənov və “Qəbələ”nin meneceri Məhəmməd Əzizli püşkatmada iştirak edib.
Püşkün nəticəsinə görə, “Neftçi” doğma meydançası olan “Bakcell Arena”da baş tutacaq matçın nominal meydan sahibi olacaq.
Qeyd edək ki, ölkə kubokunun final görüşü iyunun 3-də keçiriləcək. Qarşılaşmanın start fiti saat 20:00-da veriləcək.
