Turan Tovuz'dan darmadağın, Səbail'dən əzmkar qələbə

Misli Premyer Liqasında XXXIII turun oyunları keçirilir. Corner.az xəbər verir ki, bu gün daha iki qarşılaşma baş tutub

Əvvəlcə “Turan Tovuz” doğma meydanda “Neftçi”ni qəbul edib. Bu oyunda meydan sahibləri darmadağınla qalib gəlib.

Günün digər oyunu isə “Sumqayıt” doğma azarkeşləri önündə “Səbail”lə üz-üzə gəlib. Bu oyunda isə qonaqlar əzmkar qələbə qazanıb.

Xatırladaq ki, daha öncə “Kəpəz” “Sabah”a, “Şamaxı” isə “Zirə”yə 0:3 hesabıyla uduzub. Tura sabah keçiriləcək “Qarabağ” – “Qəbələ” oyunu ilə yekun vurulacaq.

Misli Premyer Liqası
XXXIII tur
7 may

“Turan Tovuz” – “Neftçi” 4:0
Qollar: Runi Eva, 16; 44; 61. Roderik Miller, 21.
Hakimlər: Kamal Umudlu, Akif Əmirəli, Teymur Teymurov, Əli Əliyev.
Tovuz şəhər stadionu, 15:00.

“Sumqayıt” – “Səbail” 1:3
Qol: Todor Todoroski, 36 - Matiya Lyuyiç, 70; 73. Franko Mazurek, 89.
Hakimlər: İnqilab Məmmədov, Namiq Hüseynov, Pərvin Talıbov, Səbuhi Bayramov.
“Kapital Bank Arena”, 19:00.