Misli Premyer Liqasının XXXIII turunda “Turan Tovuz”la keçirilən oyun “Neftçi”nin kapitanı Emin Mahmudov üçün yubileylə yadda qalıb. Corner.az saytı xəbər verir ki, 31 yaşlı yarımmüdafiəçi Azərbaycan çempionatında 150-ci görüşünə çıxıb.
Ancaq yubileyi heç də uğurlu alınmayıb. Çünki komandası Tovuz səfərindən 0:4 hesablı məğlubiyyətlə dönüb.
Emin Mahmudovun “Neftçi”də debütü 2017-18 mövsümündə reallaşıb. O, geridə qalan 150 görüşdə 37 qol vurub.
Kapitan “ağ-qaralar”ın tarixində 1992-ci ildən bəri keçirilən ölkə çempionatlarında 150 matç həddinə çatan 6-cı futbolçudu.
