"Qarabağ”ın yarımmüdafiəçisi Riçard Almeyda yubiley oyununu keçirib. Corner.az xəbər verir ki, Misli Premyer Liqasının XXXIII turu 34 yaşlı futbolçu üçün əlamətdar olub.
Dünən “Qəbələ”ni 3:0 hesabı ilə məğlub etdikləri turun son görüşündə 86-cı dəqiqədə meydana daxil olan Azərbaycan millisinin üzvü Premyer Liqada 250-ci matçını keçirmiş olub.
2012-ci ildə “Qarabağ”da debüt edən Almeyda Azərbaycan çempionatlarının 11 mövsümündə iştirak edib, 46 qol vurub.
Braziliyalı həmin 250 qarşılaşmanın 230-nu “Qarabağ”da, 20-ni isə “Zirə”də keçirib.
