2022-23 mövsümündə ilk dəfə bir oyunu qadın hakim idarə edib.
Corner.az xəbər verir ki, I Divizionun XXIX turunun “Qarabağ-2” – “Turan Tovuz-2” görüşündə Fəridə Lütfəliyeva ədaləti qoruyub.
Binə qəsəbə stadionunda baş tutan qarşılaşmanı tovuzlular 3:1 hesablı qalibiyyətlə tərk ediblər. Bu matçda Lütfəliyevanın köməkçiləri Sevda Nuriyeva və Gülnurə Əkbərzadə olub.
Bununla son 8 ildə ilk dəfə I Divizion oyununu qadın baş hakim idarə edib. Buna qədər axırıncı dəfə 2014-15 mövsümündə bu hadisə baş verib.
2015-ci il mayın 15-dəki “Ağsu” – “Göyəzən” (4:0) matçının ədalət təmsilçisi Venera Kahriç olub. Maraqlıdı ki, həmin qarşılaşmanın dördüncü hakimi məhz Fəridə Lütfəliyeva olub. O, 2923 gündən sonra meydana yeni “amplua”da çıxıb.
