"Qəbələ" növbəti görüşə itkilərlə çıxacaq

Avropa Konfrans Liqasına dördüncü vəsiqəyə sahiblənmək istəyən “Qəbələ” mayın 22-də növbəti görüşünə çıxacaq.

Corner.az xəbər verir ki, doğma meydanda “Turan Tovuz”a uduzan bölgə təmsilçisinin növbəti rəqibi “Şamaxı”dır. “Qırmızı-qaralar” qonşu bölgədən olan rəqiblə oyuna ciddi itkilərlə çıxacaq. Komandanın 4 vacib futbolçusu bu oyunu kənardan izləmək məcburiyyətindədir.

“Turan”la görüşdə qırmızı vərəqə alan Ürfan Abbasov, həmçinin, sarı vərəqə limitini dolduran İlkin Qırtımov “Şamaxı”yla qarşılaşmada iştirak etməyəcək.

Daha iki futbolçu isə sonuncu oyunda zədələndiyindən, mövsüm onlar üçün vaxtından əvvəl başa çatıb.