Neftçi'dən Kəpəz üzərində əzmkar qələbə

Bu gün Misli Premyer Liqasında XXXV tura start verilib. Corner.az xəbər verir ki, ilk oyun günündə bir görüş baş tutub.

“Kəpəz” Qəbələdə “Neftçi” ilə münasibətlərinə aydınlıq gətirib. Bu görüşün nəticəsi “Neftçi” də elə də ciddi nəyisə dəyişməyəcəkdi. Amma Gəncə təmsilçisinə elitada qalmaq üçün bu oyunda mütləq xal və xallarla ayrılmalı idi. Görüşə gəldikdə isə hesabı "Kəpəz" açsa da qonaqlar bu oyundan əzmkar qələbə ilə ayrılıb.

Turun qalan dörd oyunu (“Turan Tovuz” – “Səbail”, “Şamaxı” – “Qəbələ”, “Sabah” – “Zirə”, “Qarabağ” – “Sumqayıt”) sabah keçiriləcək.

Misli Premyer Liqası
XXXV tur
21 may

“Kəpəz” - “Neftçi” 1:3
Qol: Abdullahi Şuaybu, 45+3 - Ataa Caber, 64. Ömər Buludov, 87. Kilan Lebon, 90+4.
Hakimlər: Kamran Əliyev, Akif Əmrəli, Eyyub İbrahimov, Emin Əliyev.
Qəbələ şəhər stadionu, 18:00.