Azərbaycan I Divizionunun qalibi "Araz-Naxçıvan” mövsümün sonuncu - XXX turunda “Zaqatala” komandasını qəbul edir.
Corner.az xəbər verir ki, hazırda ikinci hissəsi gedən qarşılaşmada hesab açılmayıb.
Matçı izləyənlər arasında Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli və AFFA-nın prezidenti Rövnəq Abdullayev də var.
Görüşdən sonra "Araz-Naxçıvan"a doğma meydanında kubok və medallar təqdim ediləcək.
Ardından stadionda Azərbaycan Respublikasının Əməkdar artisti Ədalət Şükürovun ifasında konsert proqramı təşkil olunacaq.
