Qurban Qurbanov: "Sabah" məğlub olmağa layiq deyildi

"Bu haqda fikir bildirmək istəmirəm. Adı hallanan məşqçilər var. Lakin gedişat dəyişmir. Hər dəfə eyni proqram üzrə gedilir".

90deqiqe.az xəbər verir ki,i, bunu "Qarabağ"ın baş məşqçisi Qurban Qurbanov "Sabah"a səfərdə 2:1 hesabı ilə qalib gəldikləri Premyer Liqanın XIV tur oyunundan sonra mətbuat konfransında deyib.

51 yaşlı mütəxəssis "Sabah" və Norveç klubunun fərqli sistemlə çıxış edən kollektivlər olduğunu bildirib: : “Futbolçularımı təbrik edirəm. Nəticə bir yana, çox yaxşı oyun keçdi. Dinamik matç oldu. Səhvlərimiz çox oldu, xüsusilə, ilk hissədə. Bunu normal qəbul edirəm. Fasilədən sonra komandanın cəm şəklində hazırlığı fərqli olur. Bəzilərində yorğunluq var idi. Belə komandalara qarşı oyunlar xoşdur. Bəlkə də, "Sabah" bu gün məğlub olmağa layiq deyildi. Getdikcə daha yaxşı olacaqlar. Hər bir halda, üç xal qazandıq. Azarkeşlərə yaratdıqları atmosferə görə təşəkkür edirəm. Oyunun faydası olacaq. Amma "Molde" fərqli sistemdə oynayır. Bu oyundakı səhvlərdən nəticə götürülməlidir. "Molde" evində oynayır. Böyük təzyiq göstərəcək. Mənə vacib olan futbolçuların formasını qaytarmasıdır. Bugünkü matç bu baxımdan faydalı olacaq. Bəzi futbolçular komandaya dünən qoşulublar, heç məşq də etməyiblər. Bu gün əsas heyətdə meydana buraxmaqla risk etmək istəmədim. Patrik son vaxtlar yaxşı proqram üzrə çalışır. Məşqlərin ən yaxşılarındandır. 6 gün sonra oynayacağıq. Əvvəlcə iki gün əvvəl getməyi düşünürdük. Lakin ayın 27, 28-dəki məşqlərimiz çox vacibdir. 6 günlük vaxt olduğu üçün istədiyimiz məşqləri burada etməyi düşündük. Matç günü səhər məşqimiz olacaq. Həm də orada hava çox soyuqdur. Futbolçuları psixoloji olaraq da yormaq istəmədik. İllərdir “Molde”də eyni sistemlə oynayırlar. Öz meydanlarında dinamik futbol oynayırlar. Həm də süni örtüklü meydana öyrəşiblər.Bu gün iki komanda tərəfdən narazılıq var idi. Bəzi epizodlarda səhvlər, diqqətsizlik oldu. Çox böyük irad bildirmədik. Ciddi narazılığımız yoxdur. Millinin yeni baş məşqçisinin tapılması ilə əlaqədar nəsə deyə bilmərəm. Belə səlahiyyətim yoxdur. İşçi qrupunda özləri olacaq. Toplananların yerini dəyişəndə cəm dəyişmir. Dəqiq kimlərin olacağımı bilmirəm. Yəqin, İcraiyyə Komitəsinin üzvləri və təcrübəli məşqçilər olar. Mənim tövsiyə verməyə səlahiyyətim yoxdur. Xahiş edirəm, belə sualları mənə verməyin. Onların işidir, qarışmaq istəmirəm. Bu haqda fikir bildirmək istəmirəm. Adı hallanan məşqçilər var. Lakin gedişat dəyişmir. Hər dəfə eyni proqram üzrə gedilir".