"Səbail" xal itirdi, "Qəbələ" böyük hesabla qalib gəldi

Bu gün Azərbaycan Premyer Liqasında XIV turun iki oyunu keçirilib.

90deqiqe.az xəbər verir ki, “Səbail” öz meydanında “Kəpəz”lə qarşılaşıb. Oyun Gəncə klubunun yeni baş məşqçisi Adil Şükürovun debütünə təsadüf edib. Görüşdə hesab açılmayıb. "Səbail" 0. "Kəpəz" 0. 

Autsayder “Qəbələ” isə “Turan Tovuz”la üz-üzə gəlib. Qəbələ şəhər stadionunda baş tutan oyunda meydan sahibləri 5 oyunluq uğursuz seriyaya son qoyub. “Qırmızı-qaralar” 4 cavabsız qolla qalib gəlib. "Qəbələ" 4. "Turan Tovuz" 0.

Qeyd edək ki, turun açılış matçında “Qarabağ” “Sabah”a 2:1 hesabı ilə qalib gəlib.