“Sabah”ın futbolçusu “200”ə çatdı

Premyer Liqanın XIV turu “Sabah”ın futbolçusu Namik Ələskərov üçün yubileylə yadda qalıb.

90deqiqe.az xəbər verir ki, bu, milli üzvünün Azərbaycan çempionatlarında 200-cü oyunu olub.

“Qarabağ”a 1:2 hesabı ilə məğlub olduqları qarşılaşmaya start heyətində çıxan 28 yaşlı hücumameyilli oyunçu Premyer Liqada aktivinə 38 qol yazdırıb.

O, Premyer Liqada 2011-12 mövsümündə “Bakı”nın heyətində debüt edib. Ələskərov karyerası ərzində “Bakıda 19 (2 qol), “Qarabağ”da 25 (1 qol), “Kəpəz”də 15 (3 qol), “Neftçi”də 105 (29 qol), “Sabah”da 36 (3 qol) görüşdə meydana çıxıb.

Qeyd edək ki, Namik Ələskərov Azərbaycan çempionatlarında 200 oyun həddinə çatan 148-ci futbolçudu.