"Qarabağ" Kevin Medinaya əvəzləyici axtarır

90deqiqe.az xəbər verir ki,  Avropa Liqasının qrup mərhələsinin 5-ci turunda "Molde"yə qarşı səfər matçında zədələnən "Qarabağ"ın legioneri Kevin Medina ilkin müayinədən keçib.

"MRT" olunan kolumbiyalı müdafiəçinin vəziyyətinin ciddi olduğu bildirilir. Ona sağ bud tendom vətərinin qopması diaqnozu qoyulub. Cənubi amerikalı əməliyyat olunacaq. Əməliyyat olunduqdan sonra ilkin qoyulan diaqnoza əsasən bərpa müddəti 3 aya yaxın görünür. Əməliyyatın yaxın günlərdə vaxtı və yeri bilinəcək.

İlkin dianoza əsasən, onu söyləmək olar ki, Kevin Medina “Qarabağ”ın Avropa kubokunun (Avroliqa və ya Konfrans Liqası) fevralda keçiriləcək pley-off mərhələsinin oyunlarını buraxacaq.

Təcrübəli müdafiəçinin uzun müddətə sıradan çıxması səbəbi ilə "Qarabağ"ın qış transfer pəncərəsində bu mövqeyə yeni futbolçu cəlb edəcəyi gözlənilir.