Abdullah Zubirin yubileyi

Abdullah Zubir “Qarabağ”da yubiley qoluna imza atıb. 90deqiqe.az xəbər verir ki, bu, Premyer Liqanın XVI turunda “Sumqayıt”la oyuna təsadüf edib.

Komandasının 6:1 hesablı qələbə qazandığı səfər qarşılaşmasında fərqlənən fransalı yarımmüdafiəçi qol sayını 50-yə çatdırıb.

32 yaşlı oyunçu “Qarabağ”ın heyətində keçirdiyi 236-cı oyununda 50-ci qolunu vurub. Bunun 38-i Premyer Liqa, 1-i ölkə kuboku, 11-i isə avrokuboklara düşür.

Zubir “Qarabağ”da debut qoluna 2018-19 mövsümündə imza atıb. 2018-ci il sentyabrın 23-də komandanın evdə “Qəbələ”ni 4:1 hesabı ilə məğlub etdikləri qarşılaşmada yarımmüdafiəçi bir qolla töhfə vermişdi.