"Araz-Naxçıvan" "Sabah"a, "Səbail" "Qəbələ"yə qalib gəldi

Azərbaycan Premyer Liqasında bu gün XVII turun oyunları keçirilir. 90deqiqe.az xəbər verir ki, bu gün daha 2 matç keçirilib. 

 Əvvəlcə "Səbail" "Qəbələ"ni qəbul edib. Görüş meydan sahiblərinin böyükhesablı qələbəsi ilə başa çatıb - 3:0.Rəqibin qapısından 3 cavabsız top keçirən "Səbail" 26 xalla turnir cədvəlində 3-cü yerə yüksəlib. "Qəbələ" isə axırıncı yerdə qalıb.

Digər oyunda isə "Araz-Naxçıvan" "Sabah"la üz-üzə gəlib və 2:0 hesablı qələbə qazanıb.Bununla Azər Bağırovun yetirmələri xal ehtiyatını 26-ya çatdırıb. Murad Musayevin kollektivi isə 22 xalda qalıb.

Qeyd edək ki, turun ilk oyununda dünən “Kəpəz”lə “Sumqayıt” heç-heçə (1:1) edib. Sabah “Turan Tovuz” – “Zirə”, dekabrın 18-də isə “Qarabağ”– “Neftçi” matçları keçiriləcək.

Premyer Liqa
XVII tur
15 dekabr (cümə)

“Səbail” – “Qəbələ” - 3:0
Qollar: Yadin Luqasi, 18, İlkin Qırtımov, 52 (avtoqol), Aleksandr Ramalinqom, 60 (pen.)
Hakimlər: Rauf Cabarov, Müslüm Əliyev, Asiman Əzizli, Emin Əliyev
“ASCO Arena”

“Araz-Naxçıvan” – “Sabah” - 2:0
Qollar: Boyan Letiç, 39-öz qapısına, Turan Manafov, 71

Hakimlər: Fərid Hacıyev, Rəhman İmami, Teymur Teymurov, Əli Əliyev

“Dalğa Arena”