Azərbaycan Kubokunda son 20 mövsümün rekordu

Azərbaycan Kubokunun 1/8 final mərhələsində qapılara ümumilikdə 36 qol vurulub. 90deqiqe.az xəbər verir ki, bu, eyni mərhələdəki məhsuldarlıq baxımından turnir tarixində ikinci göstəricidi.

1/8 finalın iki görüşdən ibarət olduğu illərdə birinci oyunlar və cavab görüşlərinin məhsuldarlığı ayrı hesablanır. Yalnız bir dəfə bu raundun 8 qarşılaşmasında daha çox qol qeydə alınıb. 2003-04 mövsümünün ilk oyunlarında 37 qol olub. Həmin vaxtdan bəri ən yüksək məhsuldarlıq isə bu mövsüm yaşanıb.

Cari mövsüm ölkə kubokunda komandalar ümumilikdə 94 dəfə mərkəzə dəvət olunublar. Bu da son 15 mövsümün rekordudu. Axırıncı dəfə 2008-09 mövsümündə daha çox qol olub. Həmin vaxt komandalar 95 qolla yadda qalıblar.