“Sabah”da "100"

“Sabah” Premyer Liqanın XVIII turunda “Qəbələ”ə məğlub olsa da (0:1) qarşılaşma bakılıların müdafiəçisi Amin Seydiyev üçün əlamətdar olub.

90deqiqe.az xəbər verir ki, cinah oyunçusu adıçəkilən komandanın heyətində 100-cü çempionat görüşünə çıxıb.

2020-ci ilin yayından “Sabah”ın formasını geyinən 25 yaşlı oyunçu artıq dördüncü mövsümdü ki, eyni komandada çıxış edir. Seydiyev geridə qalan 100 matçda aktivinə 2 qol yazdırıb.

Müdafiəçi “Sabah”la debut görüşünü 2020-ci il avqustun 22-də keçirib. Həmin vaxt komanda səfərdə “Qarabağ”a 0:2 hesabı ilə məğlub olub.