Fərhad Vəliyev karyerasını bərpa etdi

Azərbaycan millisinin sabiq futbolçusu Fərhad Vəliyev karyerasını yenidən bərpa edib.

Corner.az-ın məlumatına görə, belə ki, 38 yaşlı qolkiperin adı Avropa Liqasının I təsnifat mərhələsində Rumıniyanın “Universitatya Krayova” klubu ilə oyunlar üçün "Səbail"in UEFA-ya təqdim etdiyi iştirak ərizəsinə yer alıb.

Vəliyev ilk olaraq 2018-ci ildə karyerasını bitirmiş və "Səbail"də məşqçiliyə başlamışdı. Ancaq o, ötən mövsüm karyerasını bərpa etmiş və "Səbail"in oyunlarında iştirak ərizəsinə daxil edilirdi. Ötən mövsüm başa çatdıqdan sonra karyerasını bitirdiyini deyən qapıçı yenə də geri dönüb.

Qeyd edək ki, F.Vəliyev "Səbail"in əsas komandasında qapıçılar üzrə məşqçidir.