“Zirə” - “Araz-Naxçıvan” matçının stadionu yenə dəyişdi - YENİLƏNİB

"Araz-Naxçıvan"la "Zirə" arasındakı yoxlama oyununun keçiriləcəyi stadion növbəti dəfə dəyişdirilib.

90deqiqe.az xəbər verir ki, bu barədə "Araz-Naxçıvan"ın mətbuat xidməti məlumat yayıb. Görüş Zirə İdman Kompleksinin stadionunda yox, "Dalğa Arena"da olacaq.

Daha əvvəl isə matçın Bakı Olimpiya Stadionunda oynanılması planlaşdırılırdı. Lakin daha sonra qarşılaşmanın Zirə İdman Kompleksinin stadionunda olacağı bildirilmişdi.

Yanvarın 10-da keçiriləcək oyun saat 15:00-da start götürəcək.

***

Premyer Liqa klubları “Araz-Naxçıvan” və “Zirə” arasında yoxlama görüşü keçiriləcək. 90deqiqe.az xəbər verir ki, qarşılaşma yanvarın 10-da olacaq.

Görüş Bakı Olimpiya Stadionunda keçirilməsi planlaşdırılsa da, proqramda dəyişiklik olub. Belə ki, görüş Zirə İdman Kompleksinin stadionunda olacaq.

Matç saat 15:00-da start veriləcək.