İki klubumuz Türkiyədə matça çıxır

Türkiyədə təlim-məşq toplanışında olan ölkəmizin 2 klubu bu gün ilk yoxlama görüşünü keçirəcək.

90deqiqe.az xəbər verir ki, “Səbail” və “Sumqayıt” Rumıniya komandaları müvafiq olaraq “Hermanştadt” və “Universitatya Kluj” ilə qarşılaşacaqlar.

İlk olaraq “Sumqayıt” meydana çıxacaq. Samir Abasovun yetirmələri Superliqada mübarizə aparan “Hermanştadt”la münasibətlərinə aydınlıq gətirəcək. Oyuna Bakı vaxtı ilə saat 17:00-da start veriləcək. "Sumqayıt"ın növbəti yoxlama oyunu isə yanvarın 16-da Özbəkistanın "Soqdiana" klubu ilə olacaq. 

Şahin Diniyevin rəhbərlik etdiyi “Səbail” isə Rumıniya yüksək liqasının digər iştiraçısı “Universitatya Kluj”la üz-üzə gələcək. “İS Santai Hotel”inin meydanında keçiriləcək qarşılaşma Bakı vaxtı ilə saat 18:00-da başlayacaq. “Səbail” ikinci yoxlama matçını yanvarın 15-də Rusiya Premyer Liqa klubu “Fakel”lə qüvvəsini sınayacaq.