"Qarabağ"da daha bir itki

"Qarabağ" klubunun daha bir futbolçusu sıradan çıxıb.

90deqiqe.az  xəbər verir ki, Ağdam təmsilçisinin yarımmüdafiəçisi Yassin Benzia "Kəpəz"ə qarşı keçirdikləri Azərbaycan Premyer Liqasının XX turunun oyununda zədələnib.

29 yaşlı futbolçu komandasının vurduğu qol zamanı, 79-cu dəqiqədə rəqib qapıçı İqor Rodrigeşlə toqquşub və başından xəsarət alıb.

 Əlcəzairli futbolçu oyunu davam etdirə bilməyərək meydandan çıxıb və birbaşa paltardəyişmə otağına yollanıb.

Qeyd edək ki, görüş qonaqların 1:2 hesablı qələbəsi ilə başa çatıb.

Əlavə edək ki,  Benzianın Ağdam klubu ilə müqaviləsi 2025-ci ilin yayına qədər nəzərdə tutulub.O, bu mövsüm komandanın heyətində 30 matçda iştirak edib, 9 qol vurub və 8 məhsuldar ötürmə edib.