“Qarabağ” dünyada 4-cü seriyanın sahibi olub

“Qarabağ” milli çempionatların yüksək liqalarında davam edən qələbə seriyaları arasında dünya 4-cüsüdür.

90deqiqe.az xəbər verir ki, Qurban Qurbanovun yetirmələri Azərbaycan Premyer Liqasında ardıcıl 9-cu qələbəsini qazanıb.

Ağdam klubu XX turda “Kəpəz”ə 2:1 hesabı ilə qalib gəlib. XI turda “Araz-Naxçıvan”a 1:2 hesabı ilə uduzan “Qarabağ” ardında “Kəpəz”i 7:1, “Səbail”i 3:1, “Sabah”ı 2:1, “Qəbələ”ni 3:0, “Sumqayıt”ı 6:1, “Neftçi”ni 2:0, “Zirə”ni 1:0, “Araz-Naxçıvan”ı 3:1 və yenidən “Kəpəz”i, bu dəfə 2:1 hesabı ilə yenib.

Bu, hazırda dünya ölkələrinin yüksək liqalarında davam edən seriyalar arasında 4-cü ən uzun seriyadır. TNS Uels-də 16, “Vikinqur” İslandiyada 13, “Əl-Hilal” Səudiyyə Ərəbistanında 12 qələbə əldə edib.

Qeyd edək ki, “Qarabağ” XXI turun fevralın 3-də keçiriləcək matçında “Səbail”in qonağı olacaq.