“Araz-Naxçıvan” “Kəpəz”lə oyuna iki itki ilə hazırlaşır

Fevralın 5-də Misli Premyer Liqasının XXI turunun son matçında “Kəpəz”lə qarşılaşacaq "Araz-Naxçıvan" hazırlığını bu gündə davam etdirir.

90deqiqe.az xəbər verir ki, Naxçıvan təmsilçisi  bu gün Qəbələ şəhər stadionunun ehtiyat meydançasında məşq edib.

Təxminən 1 saat davam edən çalışmada Abdulla Rzayev və İqor Ribeyro iştirak etməyib. Hər iki müdafiəçi müalicəsini həkim nəzarəti altında davam etdirir və onlar “Kəpəz”ə qarşı matçda forma geyinməyəcəklər.

Qeyd edək ki, “Kəpəz” – “Araz-Naxçıvan” oyunu sabah saat 15:00-da Qəbələ şəhər stadionunda keçiriləcək. Görüş CBC Sport kanalı vasitəsilə canlı yayımlanacaq.