- Misli Premyer liqa
- 16:42 26.07.2024
Misli Premyer Liqasında 4-cü dövrəyə start verildi.
90deqiqe.az xəbər verir ki, 28-ci turda ən diqqətçəkən məqam “Qarabağ”ın ardıcıl 3-cü, ümumilikdə isə 11-ci çempionluğunu rəsmiləşdirməsi oldu.
Qurban Qurbanovun komandası bu uğura “Kəpəz” üzərində 6-1 hesablı qələbə qazanaraq imza atdılar. Ağdam klubu gələn mövsüm də ölkəmizi UEFA Çempionlar Liqasında təmsil edəcək.
Daha bir maraqlı məqam isə “köhlən atlar”ın mövsümün bitməsinə 8 tur qalmış çempionluğunu rəsmiləşdirməsidir ki, bu mənada da ağdamlılar seçiliblər. Onlar adlarını Avropada bir mövsüm ərzində ən erkən çempionluq yaşayan komandalar sırasına yazdırıblar. Buna qədər Almaniyanın “Bayern Münhen” klubu sona 7 tur, Portuqaliya təmsilçisi “Portu” isə 6 tur qalmış çempionluq ünvanına yiyələnib.