Lunev karyerasının çətin dövründən danışıb

"Qarabağ"ın qapıçısı Andrey Lunev karyerasının çətin dövründən danışıb.

90deqiqe.Az-ın məlumatına görə, rusiyalı qolkiper zədəli dönəmlərdən sonra yenidən dirçəldiyini bildirib.

"Andrey Lunev indi necədir? “Lunevin dirçəlişi” deyə bilmərəm, çünki külə çevrilməmişəm. Bəli, müəyyən bir dövr olub, amma bu olur. Zədələr dövrü var idi və "Bayer"də daha güclü rəqib və ona daha çox inam var idi. İndi də şərtlər o mənada üst-üstə düşüb ki, avrokuboklarda iştirak edən “Qarabağ”da oynamaq variantı var. Və mən oynamağa çalışıram!"

Xatırladaq ki, Lunev "Qarabağ"la birlikdə klubun heyətində bütün turnirlərdə 27 oyun keçirərək, 36 qol buraxıb (8 oyun sıfıra) vaxtından əvvəl Azərbaycan çempionu olub.

Daha əvvəl bildirilmişdi ki, 32 yaşlı rusiyalı "Qarabağ"la 2024-cü ilin iyununda başa çatacaq müqavilənin uzadılması ilə bağlı danışıqlar aparır.