Azərbaycan Kuboku: "Zirə" yarımfinalda "Qəbələ"yə qarşı

Bu gün futbol üzrə Azərbaycan Kubokunda yarımfinal mərhələsinin növbəti qarşılaşması keçiriləcək.

90deqiqe.az xəbər verir ki, "Zirə" Zirə İdman Kompleksinin stadionunda "Qəbələ"ni qəbul edəcək.

Matç saat 19:00-da başlayacaq. Tərəflər indiyədək bu turnirdə 2 dəfə üz-üzə gəliblər. Bunların hər ikisində bölgə təmsilçisi qələbə qazanıb. "Qəbələ" 2015/2016 mövsümündə rəqibini 2:1 və 5:1 hesabı ilə üstələmişdi. Cari mövsüm Misli Premyer Liqasında 3 dəfə üz-üzə gələn komandaların duellərində kolllektivlər hərəyə 1 qələbə ilə yadda qalıblar. Fevralın 4-də qeydə alınan 21 tur matçında isə 1-1 hesablı bərabərlik olub. 

Qeyd edək ki, "Qarabağ" ötən gün "Neftçi"ni səfərdə 4 cavabsız qolla məğlub edib. Hər iki cütdə cavab qarşılaşması aprelin 24-də keçiriləcək.