“Araz-Naxçıvan” “Kəpəz”i qəbul edəcək

Misli Premyer liqasında XXIX tura start verilir. 

90deqiqe.az xəbər verir ki, turun açılış qarşılaşmasında “Araz-Naxçıvan” “Kəpəz”i qəbul edəcək. Tərəflərin bu mövsüm baş tutan 3 qarşılaşmasının ikisində Gəncə klubu, digərində isə Naxçıvan kollektivi qalib gəlib. Mövsümün ikinci hissəsində Muxtar Respublika təmsilçisi uğursuzluq zolağından çıxa bilmir. Onlar artıq 6 oyundur ki, qələbəyə həsrətdir. Adil Şükürovun yetirmələri də iki turdur ki, meydanı məğlub tərk edirlər. “Liv Bona Dea Arena”da təşkil olunacaq qarşılaşmanın start fiti saat 20-də səsləndiriləcək. Görüş Fərid Hacıyevin başçılıq etdiyi hakimlər briqadası tərəfindən idarə olunacaq.