Tura Sumqayıtda start verilir

30-cu turun açılış matçı bu gün  Sumqayıtda şəhərin eyni adlı komandası ilə “Zirə” meydana çıxacaq.

90deqiqe.az xəbər verir ki, komandalar arasındakı son 3 görüşdə sadəcə 1 qol vurulub. 2 dəfə heç-heçə qeydə alınıbsa, 1 dəfə “qartallar” meydandan 3 xalla ayrılıb. Rəşad Sadıqovun komandası Misli Premyer Liqasında ardıcıl 3 matçdır qələbə qazanır. Son 5 oyunda 2 qələbə, 2 məğlubiyyət və 1 bərabərliyi olan “Kimyaçılar” isə qeyri-sabit çıxış edir. 2-ci pillədəki “Zirə”nin “Sumqayıt”ı 2 xal qabaqlaması oyuna olan marağı daha da artırır.

Mehdi Hüseynzadə adına Sumqayıt şəhər stadionunda oynanılacaq görüş saat 19-da başlayacaq.