"Qarabağ" Lunevə yeni müqavilə təklif edib

"Qarabağ"ın qapıçısı Andrey Lunev gələcəyindən danışıb.

90deqiqe.Az xəbər verir ki, 32 yaşlı qolkiper mövsümün sonuna gələcəyi ilə bağlı qərarını verəcəyini bildirib.

“Hazırda diqqət yalnız mövsümün sonuna yönəlib. Mövsümün sonunda gələcəyimlə bağlı bəzi qərarlar verəcəm. “Qarabağ” rəhbərliyi yeni müqavilə təklif edir? Bəli, biz müzakirə prosesindəyik. Proses gedir”, - “Match TV” futbolçudan sitat gətirir.

Daha əvvəl qapıçı agent Anton Smirnovla əməkdaşlığa son qoyduğunu açıqlamışdı. Futbolçu 3 ildir birlikdə çalışdığı mütəxəssisə təşəkkür edib.

Xatırladaq ki, Lunev ötən yaydan “Qarabağ”da çıxış edir. Bu mövsüm o, 32 oyun keçirib və 40 qol buraxıb. Andreyin hazırkı müqaviləsi bu ilin yayın ortalarına qədərdir.