Premyer Liqanın startına kimi hazır olacağıq - Samir Abbasov

"Ötən oyundan fərqli olaraq, budəfəki rəqibimiz daha çətin idi. Məğlub olsaq da, qol epizodlarımız çox oldu. Belə matçlarda nəticə elə də vacib deyil. Görüləsi işlərimiz çoxdu. Bəzi oyunçularımızın məşqlərini artıq veririk, oyunlara yorğun çıxırlar. Yoxlama oyunlarında görmək istədiyimiz odur ki, futbolçular onlara məşqlərdə verilən tapşırıqları nə dərəcədə yerinə yetirir".

Corner.az-ın məlumatına görə, bu sözləri "Zirə"nin baş məşqçisi Samir Abasov Türkiyədə təlim-məşq toplanışı çərçivəsində "Adana Dəmirspor"ə 2:3 hesabı ilə uduzduqları yoxlama oyunundan sonra klubun saytına deyib.

O, hər hissədə fərqli sistemlə oynadıqlarını bildirib: "Qarşıda hələ iki oyunumuz var, inanıram ki, Premyer Liqanın startına kimi tam hazır olacağıq".