“Araz-Naxçıvan”ın yay hazırlıq planı bəlli olub

“Araz-Naxçıvan”ın yay hazırlıq planı məlum olub.

90deqiqe.Az klubun mətbuat xidmətinə istinadən xəbər verir ki, Naxçıvan təmsilçisinin futbolçuları iyunun 25-dən 27-dək tibbi müayinədən keçəcək.

Yeni mövsümün ilk məşqinə isə iyunun 28-də start veriləcək. Məşqlərini iyulun 8-dək Bakıda reallaşdıracaq “qırmızı-ağlar” yekunda bir yoldaşlıq matçında gücünü sınayacaq. Oyunun keçirilmə yeri və rəqib haqda əlavə məlumat veriləcək.

Bir günlük istirahətin ardından - iyulun 10-da komandamız Türkiyəyə yollanacaq. Ərzurumdakı toplanış iyulun 25-dək davam edəcək. İki həftəlik hazırlıq müddətində “Araz-Naxçıvan” 3 yoldaşlıq (iyulun 14-də, 19-da və 24-də) oyunu keçirəcək. Rəqiblərlə bağlı əlavə məlumat veriləcək.

İyulun 27-dən Bakıda məşqlərini bərpa edəcək komandamız mövsümün ilk matçına hazırlaşacaq.