“Sabah” klubunun loqosu yeniləndi

"Sabah" klubunun loqosuna dəyişiklik edilib.

90deqiqe.Az xəbər verir ki, yeni loqoda top elementi klubun rəmzi olan bayquşla əvəz olunub.

Əvvəlki variantda istifadə edilən kənar xətlərin sayı azaldılaraq, loqo maksimum sadələşdirilib.

Bundan sonra “Sabah” adı altında fəaliyyət göstərən bütün klublar vahid loqo ilə təmsil olunacaq.

Qeyd edək ki, loqoda yer alan bayquş müdriklik və intellekti tərənnüm edir. Günəş - yeni gün, yeni ümidlər və gələcəyin nişanıdır. Qalxan - cəsarət, inam və məğlubedilməzlik rəmzidir. Çəhrayı rəng isə Masazır gölünün rəngini özündə əks etdirir.